مرحبا
دارك ياعلي
دارك يا علي
دارك يا علي كانت امـس دار الامامـه
هالليله صفت يا بالحسـن دار اليتــامـى
على الزهره ياكرار حزينه امست الدار
هالليله صفـت يا بالحسـن دار اليتامــى
***
غبار الدنيا مشحونه ويحيطك عاصف البين
اختنق صدر السما بهمك يا حيدر صبرك من منين
تنوح بجانبك زينب وخوها الحسن وحسين
يتامى ودعــوا امهـم وداع الحلــم والعيـن
بنت المصطفى الهادي الاجل لمـن لفاهـا
مثل الشمعه من تطفى هوى العاصف طفاها
بعد ما ضلت انوار حزينه وامست الـدار
***
عجيبه مدفن الزهره شمس محجوبه بتراب
ادفنتها ورجعت تمشي على جمرة نار المصاب
قبل لا تدخل لدارك اجت عينك على الباب
اذكرت كل ما جرى عليها اذكرت ضلع الذي انصاب
نعش الطاهره دفتنه لاجل روح الوديعه
قبلك ياعلي دارك تعنى بالفجيعه
تحوم بجنح الاكدار حزينه امست الدار
***
ادفنت بضعة رسول الله بقبره وضلت الروح
تحوم بدارك وتنظر يتامى الضلت تنوح
يم الحسن نوبه ونوب حزنها لزينب تروح
ومره تخفق على حسين تصدله بجفن مجروح
روح الطاهره ما تركت يتاماها يا حيدر
قلبك يا علي مثل النجم الهم تنثر
على هذا الكل جرى وصار حزينه امست الدار
***
عليهم صارت البضعه يمامه وضلت تحوم
قدت تنثر دمع همها على ابنها اليقضي مسموم
تقله يالحسن يابني بعيده عنك اليوم
حجز ما بينك وبيني الاجل وسوار الهموم
تحجي ويا الحسن مره وتناديه بحزنها
ومره ويالوصي تحجي وتوصيه بابنها
اجيت الليله خطار حزينه امست الدار
***
مثل طير الفقد وكره ويضيع بهدوة الليل
اجت تنظر لابو اليمه بنظر ساكن على الويل
تقله يابني كن دمك اشوفه بكربلا يسيل
مثل هشمة ضلع امك تهشم صدرك الخيل
صدت للوصي ونادت امانه وليدي عندك
وردت يا علي توده مثل قلبي اليودك
وسف يا حامي الجار حزينه امست الدار
___________________________
--------------------------------------------------------------------------------
من ظلم الدهر
من ظلم الدهر قلبي انكسر خويه ياعباس
مثلي من صبر عندك خبر خويه ياعباس
زغري ويتموني وبفقدك ولوني
زغري ويتموني وبفقدك ولوني
مثلي من صبر عندك خبر خويه يا عباس
يا ريــــــت المـــــوت يلفينـــــي وســــكنت لحود
ولا سلمـــــت بــــيدك ياعـــــبـــــــاس الجــــــود
و يا ريت براســـــي طاحت ضربــــة الــــعامود
و لا شوفن قطعة جفينك ومصوب والنبلة بعينك
زينب قابلت عباس بالحـــــــسرة ودمع ســــجاب
تحجي له اشجرى عليها وعندها ويا الكفيل عتاب
وعندها ويا الكفيل عتاب
تقله تدري قلب أخـــــتك بســــهام الزمان انصاب
وضلـــــعي ويا ضلع أمي يا عباس انكسر بالباب
يا عباس انكسر بالباب
خاف اشرح وضع بيك انصدع يا طيب الإحساس
من يــوم الـــــضلع نشــف دمع يا طيب الإحساس
دم هلت عيوني وبفقدك ولوني
خويه ياعباس
******************************
من عمري القضى بالنوح غير الحزن شتذكر
وانســــى يا ألم خويــــه وبـــيه يا جــــرح أثر
وبـيه يا جــرح أثر
لو جان بصــــــغر همي ذاب الصــخر وتفسر
لوعــــــة كسر ضلع أمي و هامة والدي حيدر
وهامة والدي حيدر
بفراش الأجل خير العمل يلفظ الأنفاس
من بعد الأمل قلبي بوجل يلفظ الأنفاس
وانعكست ظنوني وبفقدك ولوني
خويه ياعباس
**********************
قلبي على الصبر عــــــباس وعلى الحزن عودته
و ياهي من النسا الشافت مصابي وضيمي الشفته
مصابي وضيمي الشفته
من ضــــــم الحــــسن جبده عن عين العقيلة اخته
وشــــفته بالسم تقـــــطع و بيديه جبـــــــده قلبته
وبيديه الجبد قلبته
جبدك بالطـــشت وسفة صحت يا أكرم الناس
من هضمي نحت لمن طحـــت يا أكرم الناس
بجبدي صوبوني وبفقدك ولوني
خويه ياعباس
***************
مصاب الما خطر ذكره ولا يوم انشغل بالي
من بعد الخــــدر والجاه ابقى بحسرة الوالي
ابقى بحسرة الوالي
طلعت من الوطن وياك بهيبة والــقدر عالي
و طول الدرب يا عباس انت الجنت تبرالي
انت الجنت تبرالي
تبرى الناقتي يا هيـــبتي يا رفعة الراس
تفقد حالتــــي وش رادتي يا رفعة الراس
يا كافل ضعوني وبفقدك ولوني
خويه يا عباس
***************
لوني انخــــطف يا عبـــــاس بيوم الكربلا طبيت
وقامت ترجف عظامي يا خويه وبالهضم حسيت
ياخويه وبالهضم حسيت
وهلــــت دمــــــعة عيوني و ونة حــــايرة ونيت
و بنــــظرة عــــتب و وداع ليك بساعة الصديت
ليك بساعة الصديت
ماترضى الهضم وانت الشهم وانت بو النوماس
تخشــــاك الزلــم يا بو العـزم وانت بو النوماس
بعدك مارعوني و بفقدك ولوني
خويه يا عباس
************
و يوم اللي انهدم حيلي قلبي انجسم بيه نصين
محني الظهر من شفته رد ليه أخـــوك حسين
رد ليه أخوك حسين
و من البـــعد ناديتـــه عبــــاس القمر جا وين
ولنه يقــــلي يا زينب منه انقــــــطعن الجفين
منه انقـــطعن الجفين
جفين القــــمر فوق الــنهر والدرع والطاس
وتصوب نظر راعي الفخر والدرع والطاس
بغيابك سبوني وبفقدك ولوني
خويه ياعباس
الخميس مايو 21, 2009 2:57 am من طرف 
موضوع: نديم الحب للقصائد المكتوبة (عزاء) 
