تحـــذير .... كــامـــيراة الابـــتـــوب ...!؟

تحـــذير .... كــامـــيراة الابـــتـــوب ...!؟ Sfe75c3f192

تعرفون ان في هذه الفتره انتشرت اللابتوبات الليلا فيها كاميرا
واي واحد شاري هالابتوب مبسوط فيه وراج راسنا بكاميرته

وماشي عند الناس فشخره لابتوبي فيه كاميرا
لكن اللي اغلبكم ما يعرفه انه انتشر برضو برنامج
يشغل الكاميرا بالمسنجر او السكايبي وانت ما تدري

يعني راعي البرنامج يدخل عليك ويشوفك وانت تحسب كاميرتك طافيه

والادهي والامر انه حتى الشخص اللي انت ما سويت له قبول يقدر يشغل كاميرتك عن

طريق الرسالة الفورية <<< هذه ميزة بمسنجر بلس

واللي خلاني اكتب الموضوع هالسالفة :

يوم الاثنين اللي فات كنت رايح لواحد من اخوياي
وهالولد انا افهم وش فيه من تعابير وجهة

وشفته مبين عليه الهم والغم والدنيا مو شايلته

سالته وش فيك ؟

وقالي سمعت عن البرنامج اللي يشغل كاميرا النت
قلت له ايييييه وش بلاه

قال انا يوم السبت تارك ماسنجري مفتوح واللابتوب مشغل
ورحت اتروش ورجعت ابدل بغرفتي <<< يعني كان عريان <<

يقول شويه واسمع صوت المسنجر اللي يطلع لو احد كتب لك كلام

ولما دخلت الا واحد يقولي شخبارك ومن هالكلام

وما امداه اخذ دقيقتين الا يقولي بوريك شيء .. مقطع فيديو
خويي تحمس وجا يبي يطالع الا المسكين شاف نفسه وهو يبدل
يقول خويي الحمد لله ما اغمي علي ولما اخذ وعطى

الولد قاله اذا ما تبي المقطع ينتشر ادفع لي 1000 ريال شحن سوا ترسلها لي
طبعن خويي ما وافق لانه عارف ان الولد بيرجع له مرة وثنتين و3

الولد للاسف عمره 21 ومبين عليه ( طعس ) وعاطل ومو هامه احد
حتى لما خويي قاله اتق الله فيني قاله مو شغلي ولا تفتحلي مواضيع دين

المهم ان الولد مهدد انه ينتشر المقطع
وخويي لما امس وهو مصدوم وحالته حاله وخايف

والسبب كله كاميرا اللابتوب اللي حنا فرحانين فيها
عشان كذا نصيحة مني لكم شوفو لها حل

غطوها بورقه او كسروها وجيبو وحده

وبصراحهـ أنا أعرف أشخاص تعرضوا لموقف مشابهـ فحبذا لو نتخذ الحذر
مع خالص ودي و تحياتي
شــــــــــــ ج ـــــــــون

مشرف عدد الرسائل : 139 تاريخ التسجيل : 06/10/2008

الله يستر علينا
يعطيك الف عافيه
يسلموو

عدد الرسائل : 33 تاريخ التسجيل : 30/10/2008

يا رب سترك

تقبلي مروري

مشرف عدد الرسائل : 110 تاريخ التسجيل : 08/10/2008

الله يستر علينا
يسلموو الغلا عالموضوع

الله يستــــر على الجميع المؤمنين و المؤمنات

مشـــــــكورين حبايبي

و أن شاء الله

ربي يتسر على جميع المؤنين و المؤمنات

خالص تحياتي

شــــــ ج ــــــــون